الخميس، 23 ديسمبر 2010

وللفرح مجال

تحتفي دوز بمهرجانها ، والذّي أضحى تقليدا سنوّيا تلبس فيه المدينة أبهى حللها وتفتح ذراعيها لزوّار الصّحراء لمشاهدة عروض لم يألفوها سوى على شاشات التّلفاز ،أو لم يطّلعوا عليها إلاّ من خلال ومضات سياحيّة .
حفل إفتتاح مهرجان 2010 شهد نقلة فنّية من خلال تصميم مشاهد وعروض أضفت بعض الجماليّة إلى ساحة المهرجان رغم محدوديّة الإمكانيّات وضيق الوقت .

صور لمهرجان دوز 2010 يمكنكم الإطّلاع عليها من خلال الرّابط الموجود أدناه :
http://www.facebook.com/album.php?aid=260306&id=655228171

الاثنين، 22 نوفمبر 2010

دِِ ل وأقرى البلايك !!!

في بلادنا تقرا دليل الطّرقات "كود دي لا روت " code de la route ، بالطّبيعة باش تاخذ رخصة السيّاقة كان سهلّ عليك المولى والمهندس اللّي باش تطيح بين إيديه ،...لكن في بعض الأحيان تطيح ببلاكة "لافتة" ولا عمرك ريتها في دليل طرقات ولاّ حتّى في برنامج تليفزيوني  متاع الغرائب والطّرائف،... ولاّ الهمّ الأزرق ،...ممكن تكون ياجورة، ...ممكن تكون جِريدة ،...الحاصيلو ڨول : " ياربّ تسترنا " وأقرا المعوذتين ودعاء السّقر  كيف تبدا تسوق ،لا تطيح في واحدة من ها الكوارث . ويعيّش خويا دِ ل وأقرا البلايك 






الجمعة، 5 نوفمبر 2010

فنّ تشكيلي وهموم

في بلدي يجترح الفنّان من جسده، وينحت بأظافره ويرسم بمشاعره ،هو لا يستجدي عطفا أو حنوّا ،بل يعبّر عن وجود وهو يجسّد حلم خرج من طور التّكوين وصرخ معلنا ولادته . أنّ الجدب لا يدوم والقحط  لن يستمرّ .تمثّل أخيرا في  نضج أولى ثمراته في مهرجان دوز للفنون التّشكيليّة في دورته الأولى بتاريخ08/04 نوفمبر 2010 .
ورغم محدوديّة الموارد وضعف الإمكانيّات فهو ينبىء بميلاد حركة فنيّة واعدة بمنطقتنا ،نتمنّى أن تزهر وتضيء جنبات المكان .
http://www.facebook.com/album.php?aid=245643&id=655228171&l=f4f4cc63e3

السبت، 30 أكتوبر 2010

تصحّر ثقافي !!!

في بلادنا ،عندنا مسرح يملى ويفرّغ .في بلادنا عندنا قاعة سينما يعرض فيها آخر الأفلام وأحدثها تي حتّى من 3D عرضوا بيه !!!،دزّني ندزّك. فيها ساعات يتواصل يتعرض الفيلم ثلاث مرّات في النّهار،...مانحكيش على المكتبات ودور الثّقافة ودور الشّباب ( لتوّة ماكملت مرمّتها !!!) 
نزيدك على هذا معرض الفنون وأروقة المتحف ،عمرها كان تسكّر كيف الشتّاء كيف الصّيف معروضاتها على كلّ لون يا كريمة !!!
وفوڨ هذا الكلّ الشّباب في بلادنا مطالبين بدار أبروا ،علاش لا ؟؟؟ ممكن يبرمجوهولنا في المخطّط 21 .
 نزيدكم على هذا في بلادنا عروض موسّيقيّة بلاش راس ،الفنّانين التّوانسة الكلّ مرّوا من هنا ،خلّي من الفنّانّين المشارقة كركر شلاكتك وتعالى ،...
مشواروهو يهتري على الحالة ،همزه صاحبه وڨالّه"ظاهر اللّي اللاّڨمي متاع اليوم خميرته ماساعدتكش،... هيّا نوض روّح ويزّيك من الكذب الفارغ"!!!